പെട്ടുപോയവന്റെ പാട്ട്

കാലത്തെ വീട്ടീന്ന് പോന്നതാണേ
നേരം വെളുത്തപ്പം പോന്നതാണേ
ആരെയും കൂട്ടാതെ പോന്നതാണേ
വേട്ടയ്ക്ക് കൂടുവാൻ പോന്നതാണേ
കാടനേക്കണ്ടു ഞാനോടിപ്പോയീ
ആനയെക്കണ്ടു ഞാനോടിപ്പോയീ
സിമ്മത്തെക്കണ്ടു ഞാനോടിപ്പോയീ
എങ്ങോട്ടെന്നില്ലാതെ ഞാനോടിപ്പോയീ
കൂട്ടരേയൊന്നുമേ കാണാനില്ല
കൂട്ടിനായാരെയും കാണാനില്ല
കാട്ടിലെ ചോലയും കാണാനില്ല
തീറ്റയ്ക്ക് വേണ്ടതും കാണാനില്ല
ആരേലും വന്നെന്നെ കൊണ്ടുപോണേ
നാട്ടിലേക്കൊന്നെന്നെ കൊണ്ടുപോണേ
എന്തേലുമെന്നേംകൊണ്ട് പോകും മുന്നേ
വീട്ടിലേക്കൊന്നെന്നെ കൊണ്ടുപോണേ
കെ ശ്രീകുമാർ