നീലക്കടമ്പുപോൽ നീ തെളിഞ്ഞുള്ളിലെന്നുള്ളം
നിറഞ്ഞു കവിഞ്ഞുപോയി
മാനത്തെ മൂടുമീ കാർമുകിൽ കണ്ടു ഞാൻ
പീലിത്തിരുമുടിയോർത്തുപോയി
                                                   (നീലക്കടമ്പുപോൽ)

പൂമ്പാറ്റ പാറുമീ തോപ്പിലിരുന്നു ഞാൻ
കാത്തുകാത്തൽപ്പം മയക്കമായി
നിന്നോടക്കുഴൽ കേൾക്കെ നിദ്രവെടിഞ്ഞു ഞാൻ
നിന്നടുത്തെത്തുന്നു നൃത്തമാടാൻ

                                                    (നീലക്കടമ്പുപോൽ)
തോഴിമാരൊത്ത്‌ ഞാൻ നിന്നോട് ചേർന്ന് ഞാൻ
ആടുന്നു പാടുന്നു രാവുനീളെ
ഈ പ്രപഞ്ചം പോലും നിർവൃതിയിൽ മുങ്ങി
താളത്തിൽ ചോടുകൾ നാടുനീളെ