ശവത്തിനു കാവലിരുന്ന്
തലക്കെട്ടുകള് തമ്മില്ത്തല്ലി
പാതവക്കില് തളം കെട്ടിയ രക്തം
പത്രത്തില് കറുത്ത ലിപികളായി
വേണ്ടതോക്കെ ചെയ്തവര് തന്നെ
വേണ്ടതൊക്കെ ചെയ്യാമെന്ന്
വേണ്ടപ്പെട്ടവര്ക്ക് വാക്ക് കൊടുത്തു
വേണ്ടാത്തതിനൊന്നും പോകരുത്
എന്നൊരു താക്കീതും
തെരുവിലെ യുദ്ധത്തില് പങ്കില്ലെന്ന്
അവര് അവളില് നിന്ന് എഴുതി വാങ്ങിയിരുന്നു
(വായ അവര് മൂടിക്കെട്ടിയിരുന്നു )
പതിഞ്ഞ ശബ്ദത്തില്
ഹൃദയം പ്രാണവായുവിനോട്
പിരിയരുതെന്നു കെഞ്ചി,
കണ്ണ് കാഴ്ചയോടും.
ജലപീരങ്കിയിലെ കുടിവെള്ളത്തിനു ഉപ്പുരസം
കണ്ണീരിന്റെയാകണം,
എന്റെ.
No comments:
Post a Comment