കലണ്ടറിൽ ഇല്ലാത്ത തീയതികൾ

സുഹൃത്തിനെഴുതാതിരുന്ന കത്ത് 

നീണ്ട ക്യൂവിനൊടുവിലെ 

തിരിച്ചറിയൽ  കാർഡ് 

മോണകാട്ടി ചിരിക്കുന്ന ടൂത്ത് ബ്രഷ് 

ചിറകടിച്ചിട്ടും പറക്കാനാകാത്ത 

ട്യൂബ് ലൈറ്റ് 

രോഗങ്ങൾക്കുള്ള മുൻകരുതലുകളെക്കുറിച്ച് 

പഞ്ചായത്തിന്റെ ചോദ്യാവലി 

എന്നോ തപാലിൽ വന്ന

സംസ്കൃത പാഠങ്ങൾ 

പാപനാശത്തിനായി കൊതിക്കുന്ന 

മുത്തച്ഛന്റെ ചിതാഭസ്മം 

മൂല മടക്കി വെച്ച താളുമായി 

ഒരു പുസ്തകം 

ചിന്തകളിൽ മുരണ്ടു മുരണ്ട് 

വലുതാവുന്ന കടന്നൽക്കൂടുകൾ. 

കലണ്ടറിൽ ഇല്ലാത്ത തീയതികൾ