തുണിയുരിഞ്ഞ നർത്തകി
എന്റെ തൊലിയുമുരിഞ്ഞു
ഉന്നം തെറ്റിച്ച് അമ്പെയ്ത ശിഷ്യൻ
എന്റെ തല കൊയ്തു
ആരെയും ആരുമറിയാത്ത മദ്യശാലയിൽ
എന്നെ എല്ലാരും തിരിച്ചറിഞ്ഞു
എനിക്കിനി അഭിനയിക്കാൻ
കാണികളുടെ ഭാഗം മാത്രം ബാക്കി
കാട്ടുവള്ളി പിടിവള്ളി
കയ്യിലിരുന്ന് ഞെരുങ്ങി മുറിഞ്ഞു
ഈ കണ്ണാടിയെല്ലാം
ഞാൻ തന്നെ ഉടച്ചതാണ്
മുഖം മിനുക്കാനുള്ള ബദ്ധപ്പാടിൽ
എന്റെ ലോകവുമങ്ങിനെ
ഒരായിരം കഷണങ്ങളായി
No comments:
Post a Comment