An Unquiet Night by Kilimanoor Balan

Translation: Sreekumar K

 

ശമനമില്ലാതെ നായ്ക്കുര കേൾക്കുന്നു

യാമമില്ലീ നിശയ്ക്കിനി ബാക്കിയായ്‌

പൂമുഖത്തെത്തി, വാതിൽ തുറക്കവേ  

ആരുമില്ലാതെയിരുൾ മാത്രമെങ്ങുമേ 

കുരലടക്കിയെൻ ശ്വാനനും  നിൽക്കുന്നു

പരമശാന്തമായ് തീരുന്നിതൊക്കെയും

വരികയില്ലിനി നിദ്രയെൻ കൂട്ടിനായ്

ഇരുളു മൂടുന്ന ഭൂമിയ്ക്ക് സഖിയവൾ  

നിശവിരിച്ചോരീയൂടിന്നു പാവുപോൽ 

ഈ നിശ്ശബ്ദത ചേർക്കുന്നതാരിവർ

വശ്യമായൊരീപട്ടും പുതച്ചു തൻ 

ആശപോലെ മയങ്ങുന്നു ഭൂമിയും

കണ്ണിലാളുന്ന നക്ഷത്രശോഭയാൽ

വിൺതടം താഴെ ഭൂമിയെ നോക്കുന്നു

കണ്മിഴിച്ചങ്ങു  നോക്കുന്നു ഞാനുമീ

കണ്ണു പൂട്ടി മയങ്ങുന്ന ഭൂമിയെ