നേരം

***

നേരത്തെ തന്നെ എണീറ്റെങ്കിലും

നേരത്ത് ജോലികൾ തീർന്നതില്ല

നേരത്തിന് എന്തൊരു വേഗമിപ്പോൾ

നേരിടുന്നതുമൂലമെത്ര പ്രശ്നം

നേരമിതെങ്ങോട്ടു പോകുന്നെന്നും 

നേരിട്ടു കാണുമ്പോൾ ചോദിച്ചിടാം

നേര് ചൊല്ലുന്നു ഞാൻ കള്ളമല്ല

നേരവും ഞാനുമായി ചേർച്ചയില്ല

നേരത്തെ ഇങ്ങനെയൊന്നുമല്ല

നേരമിരുട്ടുവാൻ നേരമാകും

നേരത്തെ തന്നെൻറെപെണ്ണുമെത്തും

നേരമ്പോക്കൊക്കെ പറഞ്ഞിരിക്കും